Татарстанда кертелә торган чикләүләр 7 ноябрьдән соң да гамәлдән чыкмаячак

Татарстанда 30 октябрьдән коронавирус белән бәйле кертелә торган чикләүләр 7 ноябрьдән соң да гамәлдән чыкмаячак.

Бу хакта Татарстан Премьер-министры урынбасары Ләйлә Фазлыева «Татар-информ» да матбугат конференциясендә сөйләде. Ул Татарстанда билгеләнгән чикләү чаралары Россия Президенты Владимир Путин Указындагыга караганда да кырыслар булуын искәртте.

«30 октябрьдән кертеләчәк чикләүләр санитар-эпидемиологик вазгыять яхшырганчы гамәлдә булачак», — дип әйтте Ләйлә Фазлыева. Бу вазгыятьнең яхшыруы авыручылар, прививка ясатучылар санында чагылыш табачак.

Чыганак:  https://tatar-inform.tatar/news/health/28-10-2021/tatarstanda-kertel-torgan-chikl-l-r-7-noyabrd-n-so-da-gam-ld-n-chykmayachak-5842059