Татарстанда бу җәйдә ачылачак авиарейслар билгеле булды
«ЮВТ Аэро» авиакомпаниясе республика халкына Россиянең күп кенә шәһәрләренә бюджет сәфәрләрен тәкъдим итә.
Июнь аеннан Татарстанда Россиянең башка төбәкләре белән һава юллары яңартыла. Бу - Краснодар крае, Кырым, Мәскәү, Санкт-Петербург һәм Россиянең башка шәһәрләре. Бу хакта бүген ТР Туризм буенча Дәүләт комитеты рәисе Сергей Иванов хәбәр итте.
«Мәҗбүри изоляциядә булу буенча чикләүләрне бетергән очракта, рейслар ачылачак. Татарстанлыларга әле алар беркайчан да йөрмәгән традицион булмаган урыннарны карарга тәкъдим итәм. «ЮВТ Аэро» республика авиакомпаниясе Омск, Горно-Алтайск, Ярославль, Екатеринбург, Новокузнецк, Самара, Пермь, Волгоград, Барнаул, Түбән Новгород һәм башка төбәкара рейслар тәкъдим итә. Компания очышларны төбәкара субсидияләү программасында актив катнаша», - диде спикер.
Спикер билгеләп үткәнчә, мондый очышлар ярдәмендә «моңарчы сезгә Россиянең беркайчан да булмаган урыннарына барып җитәргә мөмкин булачак». Туристлар үзләренең традицион ял маршрутларын яңадан карый ала, чөнки чит ил юнәлешләре я бик озак вакыт ябык булачак, я алар буенча җитди чикләүләр була, дип искәртте Иванов.
Фото: pixabay.com/
Следите за самым важным и интересным в Telegram-каналеТатмедиа
Нет комментариев