Россия пенсионерларына 10 мең сум акчаның кайчан түләнәчәге билгеле булды

Киләсе атна ахырына кадәр 10 мең сум түләүне банк карталарына 30,7 миллион пенсионер алачак. Тагын 12,7 миллион аны 3 сентябрьдән ала башлаячак, дип хәбәр итә ТАСС.

Әлеге дата пенсиянең түләнү ысулына: банк картасына яисә «Россия почтасы» хезмәткәрләре ярдәмендә өйгә илтеп җиткерүгә бәйле. Ил президенты Владимир Путин тарафыннан вәгьдә ителгән акчалар өстәмә нефть-газ керемнәреннән алыначак һәм инфляцияне арттырмаячак. Бу хакта элегрәк Үзәк банкта сөйләделәр.
 Путин фикеренчә, россиялеләрнең кайбер категорияләренең керемнәрен 2021 елда тизләтелгән инфляция аркасында арттырырга кирәк.

Чыганак: shahrikazan.ru

Фото: pixabay.com