Машина йөртүчеләр өчен яңа төр штраф өстәлә

Штрафның минималь суммасы – биш мең сум.

Россиядә 1 сентябрьдән машина йөртүчеләргә беренче төркем инвалидларны һәм инвалид балаларны транспорт чараларыннан көчләп төшерү тыела дигән закон үз көченә керә.

Бу норманы бозу штрафлар белән җәзаланачак. Машина йөртүче биш мең сум, вазыйфаи зат 30 мең сумга кадәр түләячәк.

Сүз, I группа инвалидны автобустан, троллейбустан яки трамвайдан озатып йөрүчесез  һәм юл йөрү өчен түләүне яки бушлай яки ташламалы юл йөрү хокукын расламаган өчен  төшереп калдыру турында бара.

Фото: татар-информ