Казан гимназиясендә атыш оештырган Илназ Галәвиевны Петербургка озатканнар
Төньяк башкалада балаларны үтерүдә шикләнелүче кабат психиатрия экспертизасы узачак.
2021 елның маенда Казанның 175нче мәктәбендә атыш оештырган Илназ Галәвиевны Санкт-Петербургка озатканнар. Исегезгә төшерәбез, 19 яшьлек егет кулыннан 9 кеше һәлак булды, тагын 32се төрле дәрәҗәдәге тән җәрәхәтләре алган иде. Илназга гомерлеккә ирегеннән мәхрүм ителү яный.
– Галәвиев чыннан да Петербургта, – дип белдергән "КП-Петербург"ка шикләнелүченең адвокаты Алексей Васильев.
Төньяк башкаласына Казан мәктәбендә ату оештыруда гаепләнүче күптән китерелгән. Беренче экспертиза Илназ Галявиевны үз-үзен белештерми торган хәлдә дип таныган. Шуннан соң үтерелгән укучыларның ата-аналары әлеге процедураны кабат үткәрүне таләп иткән. Күрәсең, хәзер Галявиев Петербургта кабат психиатрия экспертизасы уза. "КП" журналистлары сорауларына җавап биреп, аның адвокаты бу мәгълүматларны кире какмаган.
Следите за самым важным и интересным в Telegram-каналеТатмедиа
Нет комментариев