Эшсез калган ата-аналар сентябрьдә өстәмә түләү алачак

Эшсез калган ата-аналар сентябрь аенда дәүләттән финанс ярдәме алачак.

Әти-әниләргә балигъ булмаган һәр бала өчен өчәр мең сум түләнәчәк. Бу ярдәм пандемия вакытында эшсез калган әти-әниләргә күрсәтеләчәк. Моның өчен казнадан барлыгы 8,5 млрд сум биреләчәк.

Бу COVID-19 пандемиясе шартларында халыкка ярдәм итүнең бер чарасы булып тора диелә хәбәрдә. Алдарак Россия Премьер-министры Михаил Мишустин табибларга һәм өч яшьтән җиде яшькә кадәр балалары булган гаиләләргә өстәмә түләү турында карар чыгарган иде. Моның өчен төбәкләргә 34,3 млрд сум биреләчәк. 

Фото:  pixabay.com

Чыганак:  https://intertat.tatar/news/kadak/11-09-2020/eshsez-kalgan-ata-analar-sentyabrd-st-m-t-l-alachak-5770523