Безгә язалар

Җир йөзендә яхшы кешеләр күп, андыйлар безнең Баулы районында да бар. Бер көнне микрорайонда тукталышта автобус көтеп торам. Ул вакытында килде, бәхетле пассажирлар, шул исәптән мин дә, утырдык та киттек. Баулыдан чыгып, Исергәп ягына таба киткәч кенә исемә килдем, автобуска ялгыш утырганымны аңлап алдым. Мин, машина йөртүчегә мөрәҗәгать итеп, ялгыш утырганымны әйттем, миңа шәһәрнең түбәнге өлешенә барырга кирәк иде. Ул мине төшереп кенә калдырыр, дип уйлаган идем. Ә ул, борылып, мине юл чатына кадәр илтеп куйды.

Мин машина йөртүчегә бик рәхмәтлемен, исемен генә белә алмадым.

Салих, Баулы шәһәрендә яшәүче