Баулыларга грипптан прививка ясатырга вакыт

Район үзәк хастаханәсенә 4820 доза вакцина кайткан инде. Прививка ясатыр өчен, баулыларга башта участок табибына мөрәҗәгать итү зарур. Безнең районда барлыгы 18190 кешегә бушлай вакцина ясау күздә тотыла.

Бүгенге көндә гриппка каршы прививка ясату авыруларны кисәтүнең иң нәтиҗәле чарасы санала. Ел саен дөньяда гриппның авыр формасы белән миллионлаган кеше авырый, 500 мең кеше вафат була, дип хәбәр итә Татарстан сәламәтлек саклау министрлыгы матбугат хезмәте.