Баулыда мунча янган

Баулы һәм Ютазы муниципаль районнары буенча күзәтчелек эшчәнлеге районара бүлегенең өлкән инспекторы Салават Биктимеров “Баулы-информ” редакциясенә хәбәр иткәнчә, 1 майда Баулыда мунча янган. Янгын чыгу урынына Баулы янгын сүндерү-коткару гарнизонының 109нчы янгын сүндерү-коткару часте һәм 14нче янгын сүндерү-коткару часте бүлекләре җибәрелгән. Янгын сүндерү машинасы килеп җиткәнче янгын милекченең көче белән сүндерелгән.