Баулыда ел башыннан коронавирустан тугыз кеше үлгән
23 сентябрьгә булган мәгълүматка караганда, Баулы районында коронавирус инфекциясе белән авыручы – бер кеше, аның белән элемтәдә булган өч кеше исәптә тора.
Роспотребнадзорның Татарстан буенча идарәсе Баулы районындагы территориаль бүлеге баш белгеч-эксперты Галина Алатырева мәгълүматы буенча, пандемия башланганнан бирле, коронавирус инфекциясеннән 12 баулылы вафат булган, тугызы – агымдагы елда.
Районда пневмония белән авыручылар саны югары булып кала бирә. Сентябрь башыннан авырулар саны арткан: 6 сентябрьдән 12 сентябрьгә кадәр 36 кешегә пневмония диагнозы куелган, 13 сентябрьдән 19 сентябрьгә кадәр – 43 кешегә.
Инфекция госпиталендә 50 пациент дәвалана, аларның 25е кислород ярдәмендә сулый.
Фото: pixabay.com
Следите за самым важным и интересным в Telegram-каналеТатмедиа
Нет комментариев