Баулы районы укучылары солдатларга хат яза

Кызылъяр мәктәбе директорының тәрбия эшләре буенча урынбасары Гүзәл Җиһангәрәева "Баулы-информ" редакциясенә хәбәр иткәнчә, балалар үзләренең хатларын рәсемнәр белән бизәгәннәр, күпләр хатларын открытка рәвешендә ясаганнар. 
Бу традиция Бөек Ватан сугышы чорыннан ук башланып китә. Хат солдатка туган ягыннан, якын кешеләреннән  шатлыклы хәбәр алып барган. Безнең чорда да Ватаныбызны яклаучылар, хәрби бурычларын үтәүчеләр бар. Өйдән килгән хат аларга көч һәм ышаныч бирә, дип ышана укучылар.