Баулы Бөтендөнья чисталык көненә кушыла

Россиянең иҗтимагый оешмалары берләшеп, бар җирдә чүп-чар яту проблемасын хәл итү өчен, тарафдарлар табарга, шул нияттән 15 сентябрьдә Бөтендөнья чисталык көне уздырырга булган. Бу көнгә әзерлек кысаларында Баулыда беренче эш итеп чүплекләр ачыкланган.

Акция көнне биш мәйданчыкта өмә оештырылачак: вертолёт мәйданчыгы, 27нче микрорайонны шәһәр үзәге белән тоташтыручы җәяүлеләр күпере яны, 27нче микрорайондагы чишмә, терренкур һәм ачык бассейн территориясендә.
Бөтендөнья акциясендә һәркем катнаша ала.

Әлеге мәйданчыкларга килә алмасагыз, үзегезнең йорт урнашкан урамны, үзегез су ала торган чишмә янын җыештырып, уртак эшкә өлеш кертә аласыз. Иң мөһиме – битараф булмау.