Башкортстанда 9 яшьлек малай ике аягын да өздергән

Алар якынлашып килүче комбайнны күрми калганнар. Ә кукуруз биек булып үсү сәбәпле комбайн штурвалы артындагы адәм боларны күрмәгән. Бермәл малайларның берсе чапкыч аппарат эченә кысылган. Бер сәгать буена аны аннан алырга маташканнар. Баланы авыр хәлдә Салават шәһәрендәге реанимациягә илткәннәр. Бала исән, авыр хәлдә, әмма ике аяксыз калган.

Комбайн йөртүче бик нык кайгыра, руль артына утырудан баш тарта икән. Моны аның авылдашы хәбәр итә:

- Ул бик яхшы кеше. Әгәр дә вакытында туктамаган булса, малайдан бөтенләй бер әйбер дә калмас иде. Кычкыру тавышлары ишетүгә үк туктаган. Хәзер ул начар йоклый, табиблар аңа төнгә уколлар ясый. Аны калтырата, ул комбайн руле артына артык утырмыйм дип әйтә.

Табиблар малайның хәлен авыр дип хәбәр иткәннәр. Хәле яхшырган очракта аңа бик озак тернәкләндерү курслары узарга туры киләчәк.

Чыганак: Ufa1.ru