9 сыйныф укучыларына төп дәүләт имтиханын тапшыру өчен өстәмә көннәр биреләчәк

«Тугызынчы сыйныфны тәмамлаучылар өчен элек расланган дәүләт йомгаклау аттестациясе расписаниесенә үзгәрешләр әзерләнде. Хәзерге вакытта документ раслау процедурасын уза», — дип билгеләп үттеләр ведомствода.

Рус теле, математика һәм җәмгыять белеме буенча массакүләм имтихан бирүне ике көн итү карала. Барлык санитар-эпидемиологик таләпләрне үтәп, имтиханнарны бер яки ике көндә үткәрүне һәр төбәк үзе хәл итәчәк.

Яңа расписание буенча 19 һәм 20 майда — чит телләр, 23 һәм 24 майда — математика, 27 һәм 28 майда — җәмгыять белеме, 1 июньдә — тарих, физика, биология һәм химия, 7 һәм 8 июньдә — рус теле, 15 июньдә — биология, информатика, география һәм химия, 22 июньдә – әдәбият, физика, информатика, география буенча имтиханнар үткәрү планлаштырыла.

Моннан тыш, 4 июльдән 9 июльгә кадәр барлык фәннәр буенча да төп дәүләт имтиханын тапшыру өчен резерв көннәр каралган.

Фото: /pixabay.com/

Чыганак