Татарстанның атказанган табибы, балалар реаниматологы Игорь Закиров 48 яшендә вафат

27 декабрьдә Татарстанның атказанган табибы, Балалар республика клиник хастаханәсенең анестезиология һәм реанимация бүлеге җитәкчесе, Сәламәтлек саклау министрлыгының балалар өчен анестезиология һәм реанимация буенча штаттан тыш баш белгече Игорь Закиров вафат булды. Аңа 48 яшь иде. Бу турыда Татарстан Сәламәтлек саклау министрлыгының матбугат хезмәте хәбәр итте.

Игорь Закиров Краснодар өлкәсенең Тбилиси станицасында 1972 елның 21 маенда туган. Ижевск медицина институтында белем алган. Ул 25 елдан артык Казанда Балалар республика клиник хастаханәсендә эшли. Игорь Закиров гомерен медицинага багышлаган, ул даими рәвештә белем бирү семинарлары, мастер-класслар оештырган.

Фото: Татарстан Сәламәтлек саклау министрлыгы
Чыганак:  https://intertat.tatar/news/incident/28-12-2020/tatarstanny-atkazangan-tabiby-balalar-reanimatology-igor-zakirov-48-yashend-vafat-5795867