Баулыда Covid-19 йоктыруның 3 яңа очрагы теркәлгән

ТР сәламәтлек саклау министрлыгы матбугат хезмәте хәбәр итүенчә, Татарстанда Covid-19 белән авыруның 99 яңа очрагы теркәлгән, шуларның дүртесе читтән кертелгән, калганнары авырулар белән аралашу аша йоккан.

“44 кеше хастаханәгә салынган, 55 кеше өйдә дәвалана”, – диелгән ведомство хәбәрендә.

Казанда – 39, Чаллыда – 18, Түбән Кама районында – 6, Әлмәт, Баулы, Саба районнарында – өчәр, Актаныш, Биектау, Алабуга, Яшел Үзән, Мөслим, Тукай, Чистайда – икешәр, Азнакай, Аксубай, Алексеевск, Апас, Әтнә, Буа, Югары Ослан, Зәй, Кама Тамагы, Лениногорск, Минзәлә, Нурлат, Сарман төбәгендә берәр кеше авырган.

Шулай итеп, 20 декабрьгә Татарстан Республикасында Covid-19 инфекциясенең 41 667 очрагы теркәлгән. Шул чорда 34 749 кеше сәламәтләнгән, шул исәптән 72 кеше – узган тәүлектә.

Фото: https://pixabay.com

Чыганак: https://tatar-inform.tatar/news/health/20-12-2021/tatarstanda-covid-19-infektsiyase-yoktyruny-99-ya-a-ochragy-terk-lg-n-5845537