Баулыда чыршы утлары кабына

Баулы муниципаль районы сайты хәбәр итүенчә, бүген, 21 декабрьдә, баулыларны һәм шәһәребез кунакларын “Ватан” паркына шәһәрнең Яңа ел чыршысын ачу бәйрәменә чакыралар. Биредә “Яшьләр дөньясы” күппрофильле яшьләр үзәге театрлаштырылган Яңа ел тамашасы тәкъдим итәчәк. Бәйрәмдә төрле уеннар һәм конкурслар да булачак.

Кыш бабай һәм Кар кызы белән Яңа ел чыршысы утларын кабызырга теләүчеләр, “Ватан” паркына рәхим итегез!

Бәйрәм 17 сәгатьтә башлана.

Фото: Л.Галимова (архив)

Чыганак: Баулы муниципаль районы сайты https://bavly.tatarstan.ru