Баулыда ат чабышлары булмаячак

Баулы администрациясе башлыгы Ильяс Гозәеров “Баулы-информ” хәбәрчесенә хәбәр иткәнчә, көннәрнең яңгырлы булуы Сабан туендагы кайбер ярышларны уздырырга мөмкинлек бирми. Мәсәлән, ат чабышларын уздырмау турында карар кабул ителгән. Бу, иң беренче чиратта, ярышта катнаша торган атларның гомерен куркыныч астына куймас өчен эшләнә.

Ильяс Гозәеров сүзләренә караганда, ат чабышлары август ахырында Баулы шәһәренең 25 еллыгын бәйрәм иткәндә үткәреләчәк.