Баулы районында комбайннарның урып-җыюга әзерлеге тикшерелде
Комиссия район хуҗалыкларының ашлык җыю комбайннарының алдагы урып-җыюга әзерлеген бәяләде.
Аның составына авыл хуҗалыгы һәм азык – төлек министрлыгы вәкиле Рәсүл Шәрипов, авыл хуҗалыгы һәм азык-төлек идарәсе башлыгы вазыйфаларын башкаручы Марат Белалов һәм Татарстан республикасы Дәүләт техника күзәтчелегенең Баулы шәһәре һәм Баулы районы буенча бүлек башлыгы – баш дәүләт инженер-инспекторы Руслан Мөхәммәтҗанов керде.
Экспертлар машиналарның техник торышын, куркынычсызлык нормаларын үтәүне һәм башка төп күрсәткечләрен тикшерделәр. Тикшерү йомгаклары буенча иң яхшы хуҗалыклар билгеләнде: беренче урында – “Миңнуллин” крестьян-фермер хуҗалыгы, икенче урында – “Николашкино” һәм өченче урында – “Бәкер”.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев