Якташыбыз җиңел атлетика буенча ярышларда берьюлы ике призлы урын яулады

Түбән Камада Юрий Жадовский истәлегенә уздырылган җиңел атлетика буенча ярышлар үтте, анда Баулы районы егетләре дә катнашты.

Баулы шәһәренең 1нче спорт мәктәбе җитәкчесе Миргалим Фәхриев хәбәр иткәнчә, районнан ярышларда 2003, 2004, 2005 һәм 2006 елгы 6 бала катнашты.
1500 метрга йөгерүдә Вячеслав Гладков җиңү яулады, 800 метрга йөгерүдә ул 3нче урынны алды.

Миргалим Фәхриев сүзләренчә, хәзер Вячеслав 2020 елның 18-20 декабрендә Казанда узачак Татарстан Республикасы беренчелегенә әзерләнә.