Баулының яшь теннисчылар медальләр белән кайткан

Ярышларга Россиянең 12 төбәгеннән, Татарстан шәһәр һәм авылларыннан вәкилләр җыелган. Баулы районы данын 3нче спорт мәктәбендә шөгыльләнүчеләр яклаган. Виктория Кириллова 2009 елгы һәм кечерәкләр төркемендә Татарстан буенча беренче урынга лаек булган, Россия спортчылары арасында икенче урынга ирешкән. Ә Ралина Галиева республика буенча өченче урын алган. Кызларга дипломнар, медальләр һәм Татарстанның өстәл теннисы федерациясенең кыйммәтле бүләкләре тапшырылган.