Татарстанда коронавирустан тагын ун кеше үлгән

Татарстанда тагын ун кеше Covid-19 коронавирусы корбаны булды. Бу хакта ТР Сәламәтлек саклау министрлыгы матбугат хезмәте хәбәр итә.

«Коронавирус инфекциясеннән үлүнең ун очрагы теркәлгән», - диделәр ведомствода.

Covid-19дан 1950, 1951, 1955 һәм 1956 елгы хатын-кызлар, 1939, 1940, 1949, 1951 (ике кеше) һәм 1979 елгы ир-атлар үлгән.

«Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», — диделәр министрлыкта.

Шулай итеп, Татарстанда коронавирус корбаннарының рәсми рәвештә теркәлгән гомуми саны 2021 елның 12 октябренә 815 кеше булды.

Фото: pixabay.com

Чыганак:  https://tatar-inform.tatar/news/incident/12-10-2021/tatarstanda-koronavirustan-tagyn-un-keshe-lg-n-5840956