Бавлы-информ
  • Рус Тат
  • Рөстәм Миңнеханов журналистларны коронавирустан прививка ясарга өндәде

    «Сез куркыныч зонасында, гел кешеләр белән контактта. Бу тема мөһим. Вакцинация кирәк», — диде Президент.

    Татарстан Президенты Рөстәм Миңнеханов журналистларны коронавирустан прививка ясарга өндәде.

    «Сез куркыныч зонасында, гел кешеләр белән контактта. Бу тема мөһим. Вакцинация кирәк», — диде Рөстәм Миңнеханов журналист хатын-кызлар белән очрашуда. Ул ничә кешенең прививка ясатканын, күпмесенең антитәнчекләре булганын сорашты.

    «Антитәнчекләр алар бетә. Барыбер сәламәтлекне карап торырга, тест тапшырырга кирәк. Вирус тиз генә бетмәячәген аңларга тиешсез. Авырган кешеләр дә игътибарлы, уяу булырга тиеш», — диде Рөстәм Миңнеханов.

    Президент тормыш иптәше дә авырганын әйтеп узды. «Температурасы юк иде, ис тоюы югалды. Алар белән булсам да миңа эләкмәде. Аңлап булмый ул вирусны», — диде.

    Рөстәм Миңнеханов Спутник V вакцинасы белән прививка ясаганнарның антитәнчекләре булуын, бернинди тискәре нәтиҗәләре булмавын әйтте. «Үзегезне, якыннарыгызны саклагыз», — дип киңәш бирде. 

    Фото:  pixabay.com

    Чыганак:  https://tatar-inform.tatar/news/health/03-03-2021/r-st-m-mi-nehanov-zhurnalistlarny-koronavirustan-privivka-yasarga-nd-de-5810313

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: