Онколог яман шешне булдырмау ысулларын атады

Онколог, медицина фәннәре докторы Николай Жуков онкология авыруларын булдырмау ысуллары турында сөйләде. Бу хакта "РИА Новости" яза.

Белгеч фикеренчә, яман шешнең үсеш куркынычын дөрес туклану рационы ярдәмендә киметергә мөмкин. Моның өчен клетчаткага бай ризыклар ашарга кирәк.

Жуков шулай ук артык авырлык һәм яман шешнең үсеше арасында үзара бәйләнеш булуын да билгеләп үтте. Бу бигрәк тә хатын-кызларда шулай. Шунлыктан артык авырлыкны булдырмаска кирәк, ди табиб.

Моннан тыш, белгеч кеше папиллома вирусыннан һәм В гепатиттан прививкалар ясарга киңәш иткән.

Фото:/pixabay.com

Чыганак: https://intertat.tatar/copayjavap/onkolog-yaman-sheshne-buldyrmau-ysullaryn-atady/