Сәламәтлек
Баулыда гриппка каршы прививка ясау кампаниясе башланды
Ковидка каршы вакцинация ясаудан тыш, районда сезонлы гриппка каршы прививка ясау кампаниясе дә башланды. Баулы хастаханәсенә сезонлы гриппка каршы 4200 доза күләмендә “Ультрикс Квадри” вакцинасы кайткан.
Баулы хастаханәсе баш табибы Глеб Алексеев “Баулы-информ” редакциясенә хәбәр иткәнчә, балалар бакчаларында һәм мәктәпләрдә гриппка каршы вакцинация башланган. Шулай ук ул районда коронавируска каршы прививка ясау темплары кимүен билгеләп үтте. Хәзерге вакытта аны 9625 баулылы ясаткан, узган атнада бары 176 кеше генә вакцинация узган.
Фото: pixabay.com
Следите за самым важным и интересным в Telegram-каналеТатмедиа
Нет комментариев