Баулы аптекаларында дарулар җитәрлекме?

“Хезмәткә дан” корреспонденты шәһәрнең үзәк өлешендәге берничә даруханәдә булды. Без кергән беренчесендә үк “Арбидол” булмавы ачыкланды.

– Табиблар күбрәк әлеге вируска каршы препаратны билгели, ә ул инде бездә бер ай чамасы булганы юк. Бездә градусниклар да юк, әйтергә кирәк, ул безне товар белән тәэмин итүчеләрдә дә юк. Заявкалар бирәбез, көтәбез, – дип җавап бирде безгә үз исемен атарга теләмәгән фармацевт.

Икенче даруханәдә без берничә кешедән торган чират булуын күрдек, дару алучыларның барысы да өлкән яшьтәге кешеләр иде.

– Бездә вируска каршы препаратларның күбесе бар. Ә менә антибиотиклар табу – бүгенге көндә проблема. Кайбер препаратлар безне товар белән тәэмин итүчеләрдә дә юк. Табиблар авыручыларга даруханәдә булмаган даруларны билгели, безгә аларны алыштырырлык башка препаратлар эзләргә туры килә, – ди фармацевт Гөлназ Газизова. Аның сүзләре буенча, градусниклар инде ике айлап юк.

– Гадие дә, электронные да, берниндие дә юк. Кешеләр сорый, ә бездә бернинди мәгълүмат та юк, аларның кайчан кайтасын белмибез, – дип өстәде Гөлназ Газизова.

Кайбер баулылар даруханәдәге товарларга бәяләр чамасыз күтәрелгән дип саный. Ә фармацевтлар әйтүенчә, даруларга бәяләр бик артмаган.

– Бәлки, бәяләр бераз үзгәргәндер, алар бит доллар курсына бәйле, – диде бер фармацевт. – Дисконт картасы белән түләгәндә, бөя кыйммәт чыкмый, дип саныйм.

Фото:  pixabay.com