Баулы “Ак калфагы” Мөслим җирлегендә булды

– Мөслим җирлегендә узган ике көнлек күчмә утырыш гаҗәеп кызыклы һәм файдалы итеп оештырылган. Аннан алып кайткан хис-кичерешләр бик мулдан, – дип сөйләде “Ак калфак” татар хатын-кызлары оешмасының Баулы бүлекчәсе җитәкчесе Римма Яруллина. – Ике көн дәвамында итагатьлелек, әдәплелек,тәрбиялелек сыйфатлары белән үрелгән матур чараларда катнаштык. Әлбәттә, анда оештырылган күркәм һәм дәвамлы булган, халык өчен эшләнгән чараларны берничә юл белән генә тасвирлап та булмый. Шуны әйтәсем килә, туган тел, туган җир, авылларга кагылышлы проблемалы хәлләр, гомумән, үзебезне әйләндереп алган мохиттә эшлисе эшләр байтак әле. 

Мондый очрашулар, утырышлардан соң, “Ак калфак”лар төрле бурыч һәм планнар белән янып яши. Бу юлы да шулай булган – район авылларындагы чишмә, сулыкларны барлап, аларның тарихын өйрәнергә. 

Фото: Римма Яруллина