Салих авыл җирлегендә юлларны кардан чистарту эше бара
Соңгы көннәрдә яуган кар һәм буран шәһәр җирендә дә, авыл җирлекләрендә дә чын сынауга әйләнде.
Техникасы әзер һәм төзек булганнар вакытында карны җыештырып бара. Салих авыл җирлеге дә башка еллардан аермалы буларак, быел юлларны вакытында ачып тора. Салих авыл җирлеге 2023 нче елда республика гранты аша трактор алуга иреште.
Баулы районы Салих авыл җирлегенә өч авыл – Салих, Хансевәр һәм Яңа Чүте авыллары керә. Әлеге авылларда юл булсын өчен байтак көч сарыф ителә.
–Хәнсевәр һәм Яңа Чүте авылларындагы юлларны йөрерлек итеп чистартып куйдык. Кичә төнгә кадәр эшләдек, бүген тагын иртән үк кар чистарту эшенә тотындык. Юлларда машиналар йөрер хәлгә китерелде, – дип хәбәр итте Салих авыл җирлеге башлыгы Заһит Галләметдинов. – Салих авылына юл ачу гына бераз кыенрак. Тиз арада анысы да хәл ителер дип уйлыйбыз.
Следите за самым важным и интересным в Telegram-каналеТатмедиа
Нет комментариев