Мортаза авылында балаларның ялы кызыклы үтә
Мортаза авылы мәдәният йортында җәйге каникул вакытында да балалар өчен төрле чаралар оештырылып тора. Шундый чараларның берсе ачык һавада, хәрәкәтле уеннар белән үтте.
“Сәламәт гаилә – матур гаилә” дип исемләнгән сәламәтлек сәгате Мортаза авылына читтән кунакка кайткан малайлар-кызларны да җыйды.
– Балаларга ачык һавада уздырган чаралар бик ошый, – дип сөйләде оештыручы Илзия Латыпова. – Алар рәхәтләнеп викторина сорауларына җаваплар бирделәр, зирәклек һәм тапкырлыкта ярышып, белемнәрен күрсәттеләр.
Аннары балаларга төрле хәрәкәтле уеннар оештырганнар. Чара азагында малайлар-кызлар рәсем ясарга да вакыт тапканнар. Быел Гаилә елы булганлыктан, алар гаиләләрен рәсемгә төшергәннәр, «Гаилә учагы – китапларда» исемле китап күргәзмәсенә күзәтү ясаганнар .
Фото: Илзия Латыпова
Следите за самым важным и интересным в Telegram-каналеТатмедиа
Нет комментариев