Баулы районында яңа медпункт булачак

Бүгенге көндә Алексеевкада 470 кеше яши, аларның 120се – пенсионерлар, 39ы – сәламәтлек мөмкинлекләре чикле кешеләр.

Алексеевкада фельдшер-акушерлык пункты тиз сафка бастырыла торган йортлар технологиясе буенча төзелә. Модульле ФАПта пациентларны кабул итү өчен барлык шартлар булачак.

Удмурт Ташлысы авыл җирлеге башлыгы Николай Дегтярёв сүзләренә караганда, фундамент салынган, стеналар күтәрелгән. Әлеге вакытта төзүчеләр түбәне ябу белән мәшгуль. Бинага суүткәргеч сузылган, канализация үткәрелгән. Якын көннәрдә территорияне төзекләндерүгә керешәчәкләр.

Индира СӘЙФУЛЛИНА

Автор фотосурәте