“Баулы информ” ветераннарын тәбрик итә

Әнисә Сәетова Баулы типографиясендә, соңрак “Хезмәткә дан” редакциясендә үзенең хезмәт юлын дәвам иткән. Өлкәннәр көне уңаеннан котларга дип килгән хезмәттәшләре аның эшләгән еллары истәлекләрен яңартты.

Әнисә апа район газетасын атна саен көтеп ала. Газетаның һәр яңа санын кулына алгач, тәмләп укый.

– Мин газетаны кулыма алу белән, иң беренче азаккы битен карыйм, – ди Әнисә Сәетова. – Аннары барлык язмаларны рәхәтләнеп, кайберләрен кат-кат карап укыйм. Район хәлләрен дә шуннан укып беләм.

2015 елда “Хезмәткә дан” (“Слава труду”) редакциясе Баулы телевидениесе белән берләшеп эшли башлады. Анна Мельникова озак еллар телевидениедә хисапчы булып эшләгән. Өлкәннәр көне уңаеннан аңа да “Баулы-информ” бүләк әзерләде. Без аны кибеткә барырга чыккан җирендә туктаттык.

– Рәхмәт, безне онытмаганнары өчен, – ди Анна Мельникова. – Ничә еллар буе тату булып эшләдек. 

Шулай итеп, «Баулы- информ» хезмәткәрләре барлыгы уннан артык ветеранына бәйрәм бүләк итте.

Исегезгә төшерәбез, 2023 елның беренче яртыеллыгына “Хезмәткә дан”га ташламалы бәядән язылып калырга мөмкин. 3-13 октябрьдә “Абунә декадасы” үткәрелә. Газетага почтада язылырга мөмкин, бәясе – 810,42 сум. Редакциядә язылу – альтернатив абунә – 540 сум. Белешмәләр өчен телефоннар – 5-64-47, 5-64-50

Фото: Индира Сәйфуллина