Бавлы-информ
  • Рус Тат
  • Табиблар магнит давылы вакытында чәй һәм кофе эчмәскә киңәш итте

    «Мондый һава шартларында күбрәк ял итәргә, гөлҗимеш һәм ромашка төнәтмәләренә өстенлек бирергә кирәк», – ди Андрей Крицкий.

    Табиб-невролог, психолог Андрей Крицкий һава торышының үзгәрешләре кискен йогынты ясый торган кешеләргә киңәшләр бирде. Ул чәй һәм кофедан баш тартырга кирәк дип саный. Бу турыда РИА Новости хәбәр итә.

    Шулай ук мондый һава шартларында күбрәк ял итәргә, гөлҗимеш һәм ромашка төнәтмәләренә өстенлек бирергә, шулай ук физкультура белән шөгыльләнергә киңәш ителә.

    «Йоклар алдыннан, кислород җитәрлек булуы турында да кайгыртыгыз. Гипертония авыруларыннан интегүчеләргә кан басымын ешрак күзәтергә һәм дарулар эчәргә кирәк», – ди ул.

    «Фобос» һава торышы үзәгенең әйдәп баручы белгече Евгений Тишковец сүзләренчә, чәршәмбе көнне Мәскәүдә кыска вакытлы яңгыр, болытлы һава торышы һәм атмосфера басымының кискен үзгәреше (барическая пила) көтелә.

    (Казан, «Татар-информ»)

    Фото: http://pixabay.com

    чыганак: https://tatar-inform.tatar/news/2019/09/18/193834/

    Нравится
    Поделиться:
    Реклама
    Комментарии (0)
    Осталось символов: