Сөт белән ашарга ярамаган ризыклар бар!

Сөт – файдалы ризык. Ләкин аны дөрес кулланырга кирәк. Кайбер ризыклар белән бутаганда, ул файдасыз булырга яисә азык эшкәртү системасына зыян китерергә мөмкин.

Балыкны һәм диңгез продуктларын сөт ризыклары белән куллансагыз (мәсәлән, сөтле соус, каймак), ашказанында авырлык тойгысы кичерергә мөмкинсез. Чөнки ике төрле аксымны берьюлы кулланасыз һәм бик калорияле ризык килеп чыга. Мондый ашамлыкны аз гына ашарга мөмкин.

Күпләр җимешләрне сөт яисә йогурт кушып кулланырга ярата. Ләкин болай иткәндә ашказаны асты бизенә зур йөкләнеш килә, үзәк көя.

Яшел чәйне дә сөтсез эчү хәерле. Чөнки сөт аның файдасын киметә.

Фото: татар-информ

Чыганак