Помидор көзгә кадәр уңыш бирсен өчен

Җитәрлек тукландырсаң, ул көз азагына кадәр уңыш бирә бирә ала. Менә бу  ашламаны кулланып карагыз әле, үкенмәссез.

2 литрлы банка белән агач көле;

10 литр кайнап торган су;

10 г бор кислотасы;

10 мл йод.

Бор кислотасын аз гына күләмдәге кайнар суда эретеп (ул салкын суда эреми), көл өстенә шау кайнар су коябыз. Аннары барысын бергә кушып, 1 тәүлек төнәтәбез.

1 литр шушы ашламаны 10 литр су белән сыеклап, помидорларга бөркибез. Моны атнага бер тапкыр эшләргә кирәк.

Фото: pixabay.com