Март – чәчәк утыртыр чак
Март уртасында кашкарый һәм бәрхет чәчәкләренең орлыкларын утыртыгыз.
Март уртасында кашкарый һәм бәрхет гөлләренең орлыкларын утыртырга вакыт. Аларны 1,5 см тирәнлектә туфракка чәчеп, су сибеп, өстен тигезләп, пленка белән каплап, җылы урынга урнаштырыгыз.
Мартта гладиолус, суган, георгиннарны тагын бер кат тикшерегез. Чирле һәм зарарланган өлешләрен сәламәт тукымаларга кадәр чистартып, киселгән урыннарны зеленка белән зарарсызландырыгыз һәм кабат саклауга куегыз.
Чирле суганнарны ташлагыз, ә үсешкә кузгалганнарын яшел кыяк алу өчен кулланыгыз. Тәрәзә төбенә утыртып куйсагыз, 1-2 атнадан язгы витамин белән сыйлана башларсыз. Яшел кыяк алу өчен сарымсакны да шулай кулланырга була.
http://muslumirc.ru/news/stati/bakchachyga-kishlr-chchk-utyrtyr-chak
Фото https://pixabay.com
Следите за самым важным и интересным в Telegram-каналеТатмедиа
Нет комментариев