Файдалы киңәшләр

Эремчек, ак май, тоз һәм укропны блендер белән яхшылап болгатыгыз. Иртәнге ашка бутерброд өчен менә дигән кабымлык әзер.

Кәтлит ясарга уйладыгызмы? Тозны ничек саласы, дип баш ватасызмы? Онытмагыз: 1 килограмм фаршка 2 чәй кашыгы тоз салырга кирәк.

Тәмле бәлешләр, бөккәннәр көеп китмәсен һәм ябышмасын өчен, табаны майлагач, манный ярмасы сибәргә кирәк.

Бәрәңге пешергәндә, изелеп киткәнен сизсәгез, бераз салкын су яки 1-2 аш кашыгы тозлы кыяр суы салыгыз.

Чәчәк кәбестәне кышка саклап куегыз. Моның өчен, аны башта бүлгәләргә һәм лимон кислотасы белән тоз кушылган суда бераз тотарга кирәк. Аннары контейнерларга салып, суыткычка (морозильник) куярга киңәш ителә.

Фото: татар-информ

Чыганак