Бер атнада дүрт килога ничек ябыгырга?
АКШ галимнәре ябыгырга ярдәм итүче гап-гади серне ачыклаганнар. Бу сер белән "Южный федеральный" порталы бүлешкән. Галимнәр тиз ябыгу ысулын ачыклаган. Бу ысул белән атнага дүрт килограммга ябыгырга мөмкин.
АКШның милли медицина китапханәсе белгечләре ачыклаганча, чын-чынлап ябыгырга шикәрдән баш тарту гына ярдәм итәчәк. Углеводларны май, аксым һәм су белән алыштыру авырлык кимүгә генә түгел, аппетит кимүгә дә китергән. Чөнки шикәр ашаган очракта канда шикәр күләме кисәк арта, ә ашамасаң, кисәк төшә. Бу ашыйсы килүне арттыра. Шикәр ашамаган очракта исә канда шикәр күләме стабиль тора.
"Гади генә әйткәндә, углеводларны киметү автопилотта ябыгуга китерә, башка берни эшлисе түгел", - дип белдергән галимнәр.
Углеводларны көненә 25 граммнан арттырмаган пациентлар атнасында дүрт килограмм авырлык ташлаган.
Фото : pixabay.com
Чыганак: https://intertat.tatar/copayjavap/ber-atnada-d-r-kiloga-nichek-yabygyrga/
Следите за самым важным и интересным в Telegram-каналеТатмедиа
Нет комментариев