Балык исеннән ничек котылырга?

Балык суыткычта озак торса, исе кала. Шуңа күрә суыткычны сөртеп алу өчен ике стакан суга биш аша кашыгы аш серкәсе кушып болгатыгыз. Шушы эремә белән суыткычны сөртеп алыгыз. Аннары җилләтергә онытмагыз.

Кулдагы балык исен бетерү өчен, башта сабын белән юыгыз. Аннары лимон кисәге алып, согын кулга сылагыз, бераз торып торыгыз һәм юыгыз.

Балык пешергәч, духовкадагы исне бетерү өчен башта юыгыз, аннары аш серкәсе эремәсе белән сөртегез. Аннары җилләтегез.

Балыкны фольгага төреп пешерү хәерле, диелә хәбәрдә.

Фото: pixabay.com

Чыганак: интертат