Балык йөрәк өчен файдалы

Йөрәк-кан тамырлары авыруларыннан интегүче кешеләргә тозлы балык киңәш ителми. Аларга майлы балык сортларына игътибар итү яхшырак, дип хәбәр итә кардиолог Игорь Видяскин.
Тозлы балыкта натрий күп, бу кан басымын күтәрергә, организмдагы сыеклыкның тоткарлануына һәм шешенүгә китерергә мөмкин. Майда яки үсемлек маенда кыздырылган балык шулай ук йөрәк-кан тамырлары системасына начар йогынты ясый.
Кайбер майлы балык сортлары, шул исәптән лосось, сельдь, макрель, форель һәм сардина йөрәк өчен файдалы булырга мөмкин, алар йөрәк-кан тамырлары авырулары үсешен кисәтә. Кардиолог мондый балыкны атнага бер-ике тапкыр ашарга киңәш итә.

Чыганак

Фото: татар-информ