Юынганнан соң битне сөртергә кирәкме?

Россиядә яшәүче бөтен кеше дә диярлек юынганнан соң битен сөлгегә сөртә. Ә менә Кореядә яшәүче хатын-кызлар болай эшләми. Бу хакта «Челнинские известия» газетасы яза.

Моның сәбәбе бик гади — дымлы битне сөрткәч, тиренең торышы начарлана. Көньяк Кореядә яшәүче хатын-кызлар юынганнан соң битне, шулай ук тәнне дә сөлгегә сөртүне хупламый. Чөнки хәтта иң йомшак тукыма да тире өслегендә бик вак ярыклар барлыкка китерә. Аларда патоген микроорганизмнар үрчи. Шул сәбәпле ялкынсынулар барлыкка килергә мөмкин.

Моннан тыш, юеш тирене сөлге белән сөрткәндә эпидермис җепселләре тартыла һәм бу җыерчыклар китереп чыгара.

Кореянкалар ничек юына соң? Аларның күбесе бер тапкыр куллана торган кәгазь сөлгеләр белән тирене әкрен генә кипшетә. Яки учлар белән җиңелчә массаж ясап биттәге суны сыпырып төшерә.

Фото: /pixabay.com

Чыганак:  https://intertat.ru/news/questions_answers/25-01-2020/yuyngannan-so-bitne-s-rterg-kir-kme-5717814