Яңа ел бәйрәмнәре вакытында тазармас өчен нәрсә ашарга?
Диетолог дөрес туклану буенча киңәшләр бирде.
Бәйрәмнәр вакытында тазармас өчен традицион Яңа ел сыйларын файдалы ризыклардан әзерләргә кирәк. Моның өчен майлы ризыкларны файдалы аналоглары белән алыштырырга була. Бу хакта диетолог Елена Соломатина "Вечерняя Москва"га сөйләде, дип яза РИА Новости.
Аның сүзләренчә, Яңа ел өстәле күп компонентлы - майлы, тозлы, татлы ризыклардан тора. Шунлыктан ул зыянлы Табиб билгеләп үткәнчә, бәйрәм өстәле артында күпләр берьюлы берничә төрле ризык ашый. Һәр ризык та бер порция кадәр була ала. Шуңа бу ашкайнату системасы өчен кыенлыклар тудыра.
Соломатина зарарлы ингредиентларны файдалыларга алыштырырга киңәш итте. Аерым алганда, "Оливье" салатына ул йомырка аксымын күбрәк һәм сарысын азрак салырга, бәрәңге урынына топинамбур кулланырга, ә казылыкны тавык итенә алыштырырга киңәш итте.
"Майонезны өйдә әзерләп булачак. Моның өчен майсыз йогырт, каймак, серкә, горчица, лимон согы, борыч һәм тәмләткечләр кирәк булачак", — дип өстәде табиб.
Моннан тыш, ул күбрәк яшелчә һәм җиләк-җимеш кабымлыклары һәм салатлар әзерләргә киңәш итте, алар өчен майлы соуслар кирәк түгел.
Диетолог десертларны күп ашаганга артык авырлык җыярга мөмкин булуын искәртте. Әмма бәйрәмнәрдә алардан баш тартырга кирәкми. Моның урынына табиб бәйрәм өстәленә кремлы тортлар алмаска, алар урынына йогуртлы тортлар алырга кушты.
Фото: http://pixabay.com
Следите за самым важным и интересным в Telegram-каналеТатмедиа
Нет комментариев