Хәлвә өлкән яшьтәгеләр өчен файдалы икән...

Хәлвә бик күп төрле була, ул көнбагыш, арахис, көнҗет, җитен һәм миндальдән әзерләнә. Аларны берләштергән төп нәрсә - составында клетчатка булу. "Барыннан да элек бу продуктта клетчатка бар, ул өлкән яшьтәге кешеләрнең эчәклегендә файдалы бактерияләргә ярдәм итә һәм аның эшен яхшырта", - дип билгеләде белгеч.

Көнбагыштан ясалган хәлвә бигрәк тә E витаминына бай. Бу - антиоксидант, яшьлек витамины, ул картаюны тоткарлый, йөрәк-кан тамырлары авырулары үсешенә комачаулый.

Арахистан ясалган хәлвәдә кремний матдәсе бар. Ул өлкән кешеләрнең сөяк, теш, тире, кимерчәк сәламәтлекләре өчен кирәк. Көнҗетле хәлвә кальцийга бай, ә миндальле - магнийга.
Җитен орлыгыннан әзерләнгән хәлвә омега-3 майлы кислоталарга бай. Әгәр омег-3 куллансаң, начар холестерин кан тамырларының стеналарында утырып кала алмый, атеросклеротик бляшка формалаштыра алмый. Шулай ук омега-3 йөрәкне ныгыта, күзәнәк мембраналарын формалаштыру өчен кирәк.

Табиб диабет белән авыручыларга һәм артык авырлыктан интегүчеләргә хәлвә белән мавыкмаска киңәш итә.

Чыганак

Фото: freepik.com