Сару кайнауны ничек бетерергә?

Сару кайнап, ашказаныннан әче килеп йөдәткән очракта сода эчәргә һич ярамый. Акбур ашау да зыянлы. Алар кислотаны сүндерәләр, ләкин газлар аны кабаттан эшләп чыгара. Акбур да, сода да канга сеңеп, аны селтелеләндерә, бөерләрдә таш утыра. Бу турыда «Челнинские известия» сайты язды.

Активлаштырылган күмер эчәргә була. Берьюлы берничә төймә күмер кабып, күп итеп су эчеп куегыз.

Миндаль чикләвеге ашказаны кислотасын нейтральләштерә. Чикләвекне кайнар су белән юып, кабыгын чистартыгыз. Миндальне акрын гына чәйнәп, озаклап ашагыз.

Бәрәңге согы да сару кайнауны бетерә. Вак угычтан уылган бәрәңгене сыгып, согын сыгыгыз да 2-3 аш кашыгы эчеп куегыз. Бу сокны ашар алдыннан эчәргә.

Минераль су да сару кайнауны баса.

Блендерда 2-3 салат яфрагын ваклап, 1 стакан салкын суга шуны кушып, аз-азлап кына эчегез.

Әгәр һаман сару кайнап интектерсә, дару ясагыз. Кофе тегермәнендә җитен бөртекләрен тарттырыгыз да, шушы онны герметик савытта саклагыз. Сару кайны башласа, 1 бал калагы җитен онын бер чокыр җылы суда болгатып, аз-азлап эчегез.

Фото: http://pixabay.com

Чыганак: https://intertat.tatar/copayjavap/saru_kaynauny_nichek_betererg_/