Бавлы-информ
  • Рус Тат
  • Пычрак тәрәзәләрнең нинди зыяны бар?

    Тәрәзәләрне елына кимендә ике тапкыр юарга кирәк.

    Тәрәзә пыялалары пычрак булу кеше организмына зыянлы. Аларны елына кимендә ике мәртәбә юыгыз.

    Тәрәзәләр чиста булу – ул тәртип кенә дигән сүз түгел. Бина никадәр яхшырак яктыртылган булса, кешегә шулкадәр уңайлырак була. Бүлмәгә кояш нурлары кереп, һаваны зарарсызландыра.

    Кеше сәламәтлеге һәм тәрәзәләргә ябышып каткан пычрак арасында турыдан-туры бәйләнеш бар, ди эколог.

    «Тәрәзә пыяласына, рамына, тәрәзә төпләренә җыелган пычракны юып ташлау хәерле. Кара пычрак — бу әле бүлмәгә кереп җитмәгән пычрак дигән сүз. Әгәр аны чистартмасаң, ул бүлмәгә очып керә, кешенең үпкәләренә барып җитә. Ә бу пычракта корым һәм канцероген матдәләр була бит», — ди белгеч.

    Эксперт сүзләренчә, тәрәзәләрне елына ике тапкыр юарга кирәк. Чөнки җәйге һәм кышкы тузан составы аерыла.

    «Җәй көне бу күпчелек очракта үсемлекләрнең чәчәк серкәсе була. Ә күпләр серкәгә аллергиядән интегә. Шулай ук тупыл мамыгы, үсемлекләрдән барлыкка килгән башка төрле пычрак. Кыш көне исә корым һәм хлоридлар пычрак булып утыра. Бу пычракларны махсус препаратлар белән чистарту хәерле», — дип аңлата белгеч.

    Фото: /pixabay.com

    Чыганак: https://intertat.tatar/news/questions_answers/01-11-2020/pychrak-t-r-z-l-rne-nindi-zyyany-bar-5778261

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: