Озак яшисегез киләме?

Беренчедән, стресслардан арына белергә кирәк. Әлбәттә, күпләп алкоголь куллану яисә артыгын ашап кую белән түгел. Спорт, саф һавада йөрү, психологик алымнар, кызыклы китап, фильм, спектакль... Кемнең күңеленә нәрсә ошый.

Икенчедән, чама белән физик активлык таләп ителә. Сүз хәлдән таеп, зур физик йөкләнешләр кичерү турында түгел. Көн саен бераз гимнастика ясау, җәяү йөрү кирәк.

Гаилә бәйләнешләре хакында да онытмаска кирәк. Белгечләр исбатлаган –җылы гаилә мөнәсәбәтләре булган, туганнары белән матур аралашып яшәүчеләр озак яши.

Рационда үсемлекләр, ягъни яшелчә-җимешләр күп булырга тиеш.

Ниндидер дин тоту, рухи кыйммәтләр булуның әһәмияте зур. Озын гомерлеләр арасында күпчелек Ходайга ышана.

Тормышта максат булырга мөһим.

Тукланган ризыкларыгыз артык калорияле булмаска тиеш.

Социаль тормыш кирәк.

Алкогольне чама белән генә куллану мөмкин.

Белгечләргә ышансак, югарыда телгә алынган тугыз кагыйдәне онытмаучыларның йөз яшьне узу мөмкинлеге бар. Табиблар шуны да исбатлаган – оптимист булып, ачу сакламыйча, кечкенә шатлыкларга да сөенә белүчеләр озак яши.

Чыганак

Фото: татар-информ