Нинди гаиләгә байлык беркайчан да килми?

Гаилә яши торган урында көнкүреш әйберләренең ничек урнашуы бик күп нәрсә турында сөйли. Әгәр өйдә тәртипсезлек булса, ул еллар буена җыелып ятса, фатир хуҗалары үзләре моны сизмәсә, бу гаиләнең хәерчелеге вакытлы гына түгел. Аларда фәкыйрьлек инде күптән хөкем сөрә. Чөнки аларның фикерләве дә үзенчәлекле. Бу кешеләр, гадәттә, ялкау була, алар өйдә дә, эштә дә хезмәткә атлыгып тормый.

Сүз әле яңа гына ремонт ясый башлаучылар турында бармый. Ремонтны кайчандыр ясый башлап, инде кимендә биш еллап шушы халәттә яшәүчеләр исә бай була алмый. Ертык обойлар, җыештырылмаган чолан, шкафлар-комодларда тәртипсезлек - шушыларга игътибар итмәгән кешеләр хезмәт сөйми. Айлар буена плитә өстен чистартмыйча, унитазны юумыйча торган хуҗалар фәкыйрьлектә яшидер, мөгаен. Алар бу халәттән чыга алмый инде.

Бу - кешеләрнең хезмәткә карашы күрсәтә торган билгеләр.

Вакытлыча проблемалары булган, артык бай яшәмәгән кешеләр исә беркайчан да тәртипсезлеккә юл куймас, диелә хәбәрдә.

Фото: http://pixabay.com

Чыганак:  https://intertat.tatar/copayjavap/-nindi-gail-g-baylyk-berkaychan-da-kilmi/