Мунчага кергәнче ашарга ярыймы?

Диетолог Антонина Стародубова мунча кергәнче һәм мунчадан чыккач ашау тәртибе турында аңлатты.

Табиб сүзләренчә, мунчага керер алдыннан күп итеп ашарга ярамый. Яхшылап ашагач, 1,5-2 сәгать эчендә мунчага керми торырга кирәк.

Мунчага керер алдыннан майлы һәм авыр ризык та ашамау хәерле. Стародубова мунча алдыннан бер сәгать ашамый торырга киңәш итә.

«Бу майлылыгы аз булган эчегән сөт ризыклары, яшелчәләр белән пешерелгән йомырка тәбәсе, яшелчәләрдән салат булырга мөмкин. Парланып чыгу аралыгында да ашамау хәерле. Парланган арада тир белән күп сыеклык чыгу сәбәпле, су яки үлән чәйләре эчкәләп кую яхшы», — ди белгеч.

Мунчага кереп чыкканнан соң, бер сәгать чамасы ашамау хәерле. Аннары җиңелчә ризыклар капкалап куярга кирәк, диелә хәбәрдә.

Фото: pixabay.com

Чыганак:  https://intertat.tatar/news/questions_answers/06-01-2021/munchaga-kerg-nche-asharga-yaryymy-5797055