Кибеткә кергәч, сумканы саклый торган шкафка бикләп калдыруның нинди куркынычы бар?
Кирәкле һәм кыйммәтлек әйберләрне кибеттәге шкафларда куеп калдырмау хәерле.
Кибеткә килгәч, күбебез кулдагы зур сумкаларны саклый торган шкафка бикләп калдырып тора. Күп очракта исә бу тирәдә кибетнең игъланы була. «Шкафтагы әйберләр өчен кибет җавап бирми», дигән язуны күпләр күрмидер дә әле. Шкафка куйган сумка эчендәге әйберләр исемлеге булмагач, чыннан да кибет җавап бирә алмый да кебек. Закон буенча, кибеттә урнаштырылган һәм кешеләрнең әйберләрен вакытлыча саклау өчен хезмәт итә торган шкафтан югалган әйберләр өчен кибет җавап бирә. Бу турыда «Челнинские известия» сайты хәбәр итте.
Шулай да судка барып җитә калган очракта, әйберләрегезне кибеттәге шкафка куеп калдырганыгызны исбатларга кирәк булачак. Видеокүзәтү камерасы төшереп алган булса да, сумка эчендә күп акча салынган кошелек, кыйммәтле камера яки тагын бик тә кирәкле әйберегез булуын исбатлау мөмкин түгел диярлек.
Шуңа күрә саклау камераларында калдырган әйберләрне урласалар, алар өчен беркем дә акча кайтармаячак.
Фото: http://pixabay.com
Следите за самым важным и интересным в Telegram-каналеТатмедиа
Нет комментариев