Хуҗабикәләргә берничә киңәш
Көндәлеккә берничә киңәш тәкъдим итәбез
• Яңа ипине юка телемнәргә яхшы кисәр өчен пычакны кайнар суга 1-2 минутка тыгып торыгыз.
• «Оливье» салаты барлык кешеләргә дә җитсен өчен, аның нигезе итеп бәрәңгене алыгыз. Ничә кеше ашаса – шуның кадәр санда бәрәңге алыгыз.
• Чили борычын турар алдыннан кулыгызны үсемлек мае белән ышкыгыз. Алай борычның әче суы тирегезгә үтеп керә алмас.
• Май чәчрәмәсен өчен таба төбенә бераз тоз сибегез.
• Кыздырганда атланмай каралмасын өчен кызган табаны үсемлек мае белән майлап җибәрергә кирәк.
• Әгәр аш күбеген вакытында алып өлгермәсәгез, һәм ул төпкә китсә, кәстрүлгә бер стакан су салыгыз. Күбек күтәреләчәк һәм аны җыеп алырга мөмкин булачак.
• Тавык ашына суган һәм кишердән кала бернинди дә тәмләткечләр салмагыз. Юкса, ул тәмен югалтачак.
• Ашта дәфнә яфрагын калдырмагыз. Ул кайнатканда гына яхшы, аннары тәмне боза гына.
• Кәтлитләрне кыздырганда беренче минутта ут көчле булырга тиеш. Болай эшләгәндә аның суы агып чыкмыйча сакланып калыр.
• Карт тавыкны 20 минут кайнатканнан соң, 5 минут салкын суга салып торсаң, ул яхшырак пешә.
• Балыкны пешергәнче ун минут алдан сөлге белән сөртеп, тоз сипсәгез, ул таралмас һәм кызарып пешәр.
Фото: татар-информ
Чыганак: Шәһри Казан
Следите за самым важным и интересным в Telegram-каналеТатмедиа
Нет комментариев