Каралмасын өчен, бананны ничек сакларга?

Сатып алып кайткач, бананны пакеттан чыгарыгыз, юкса ул бик тиз бозыла.

Бананны суыткычка куймагыз, анда банан карала. Бананны якты урында да калдырмагыз.

Банан бик түбән яки бик югары температурада озак сакланмый. Аны саклауның оптималь варианты – кладовка яки кухня шкафының аскы киштәсе. 

Банан озак саклансын өчен, бәйләмдәге бананнарны аерыгыз, һәр бананның төбен аш-су пленкасы яки фольга белән каплагыз. 

Тизрәк өлгерсен өчен, бананны якты һәм җылы урында тотарга кирәк.

Фото: pixabay.com

Чыганак